Փակված բանկերով, կատաղի հասարակական բողոքի ցույցերով ու պատկերամարտող քաղաքական գործիչներով՝ Հունաստանի վիճակը, որը ծնկի է եկել կործանարար պարտքի բեռով, հետաքրքրում և սիրտ է ճմլում հավասարաչափ. լիովին հասունացած սուվերեն պարտքի ճգնաժամն աշխարհի որոշ հարուստ երկրների դռան շեմին է։
Jubilee Debt Campaign-ի (գլոբալ շարժման մաս, որն ազատություն է պահանջում անարդար պարտքերի ստրկությունից) նոր վերլուծության համաձայն՝ Հունաստանի վիճակը հեռու է միակը լինելուց. ավելի քան 20 այլ երկրներ նույնպես պայքարում են սեփական պարտքային ճգնաժամերի դեմ։
Շատերը՝ Սենեգալից Լաոս, ընկած են պարտքի վտանգավոր գոտում, որտեղ տնտեսական անկումն ու համաշխարհային պարտքային շուկաներում տոկոսադրույքների կտրուկ բարձրացումը կարող են հանգեցնել աղետի։
2008-ի դասերից մեկն այն էր, որ պարտքի առողջ մակարդակը կարող է երկրներին խոցելի թողնել շուկայական տրամադրությունների հանկարծակի փոփոխությունների առջև։
Jubilee-ի հաղորդմամբ՝ առաջատար տնտեսությունների շատ ցածր տոկոսադրույքները, որոնք եղան առանցքային պատասխանը ճգնաժամին, շատ դեպքերում կառավարություններին, ընկերություններին և սպառողներին մղեցին դիմել նոր փոխառնությունների՝ կուտակելով պոտենցիալ խնդիրներ ապագայի համար։
Միջազգային զարգացման ինստիտուտի փորձագետ Ջուդիթ Թայսոնի խոսքով՝ փոխառնությունների վերջին ռաունդի հակառակ կողմը եղել են Արևմուտքի ներդրողներն ու վարկատուները, ովքեր ակնկալել են մեծ վերադարձ։
2012-ից գրանցվել է սուվերեն պարտքի վիթխարի աճ, մասնավորապես՝ Աֆրիկայում։
«Մեր գնահատականով՝ 14 երկրներ արագորեն շարժվում են դեպի նոր կառավարական պարտաքին ճգնաժամեր՝ հիմնված իրենց խոշոր արտաքին պարտքերի, մեծ և մնայուն ընթացիկ հաշվի դեֆիցիտների և ապագա կառավարությունների կողմից կանխատեսվող պարտքային վճարումների վրա»,- ասել է նա։
«Աղքատ երկրների վարկավորման ընթացիկ մակարդակները սպառնում են վերստեղծել պարտքային ճգնաժամեր»,- նախազգուշացնում է վերլուծաբան Թիմ Ջոնսը։
Բայց միայն զարգացող աշխարհում չէ, որ ցածր տոկոսադրույքներն ու ճգնաժամի ժառանգությունը բարձրացրել են պարտքով գումարի ճեղքերը ծածկելու գայթակղությունը։
Ողջ աշխարհում միջպետական վարկավորման ծավալը՝ ներառյալ մասնավոր ոլորտը, ինչպես նաև կառավարությունները, 2011-ի 11.3 տրիլիոն դոլարից աճել է՝ 2014-ին դառնալով 13.8 տրիլիոն։ Ըստ կանխատեսումների՝ ծավալն այս տարի կհասնի 14.7 տիլիոն դոլարի։
Համաշխարհային տնտեսության թույլ վերականգնումը նույնպես եղել է պարտքի մակարդակի բարձրացման գործոն, քանի որ քաղաքական գործիչները ձգտում են վերականգնել նախաճգնաժամային կենսաչափանիշները։
Կառավարության արտաքին պարտքի ճգնաժամի բարձր ռիսկով երկրներ՝
• Բութան
• Կաբո-Վերդե
• Դոմինիկա
• Եթովպիա
• Գանա
• Լաոս
• Մավրիտանիա
• Մոնղոլիա
• Մոզամբիկ
• Սամոա
• Սան Տոմե և Պրինսիպի
• Սենեգալ
• Տանզանիա
• Ուգանդա
Երկրներ, որոնք ներկայում կառավարության արտաքին պարտքի ճգնաժամի մեջ են
• Հայաստան
• Բելիզ
• Կոստա Ռիկա
• Խորվաթիա
• Կիպրոս
• Դոմինիկյան Հանրապետություն
• Էլ-Սալվադոր
• Գամբիա
• Հունաստան
• Գրենադա
• Իռլանդիա
• Ճամայկա
• Լիբանան
• Մակեդոնիա
• Մարշալյան կղզիներ
• Մոնտենեգրո
• Պորտուգալիա
• Իսպանիա
• Շրի Լանկա
• Սենտ Վինսենտ և Գրենադիններ
• Թունիս
• Ուկրաինա
• Սուդան
• Զիմբաբվե
