Ադրբեջանական APA լրատվական գործակալության հաղորդմամբ, մայիսի 16-17-ը Իսրայելի կապի նախարար Մոշե Կահլոնն այցելելու է Ադրբեջան: Դա կլինի նրա առաջին այցը Ադրբեջան:
Նշվում է, որ Կահլոնը գլխավորելու է իսրայելցի գործարարների պատվիրակությունը: Այցի նպատակը բիզնեսի ոլորտում ադրբեջանա-իսրայելական հարաբերությունների զարգացումն է:
Բաքվում Կահլոնն անցկացնելու է մի շարք հանդիպումներ, այդ թվում՝ Ադրբեջանի կապի և տեղեկատվական տեխնոլոգիաների նախարար Ալի Աբբասովի հետ:
Հիշեցնենք, որ Ադրբեջանը մտադիր է արդեն 2012 թվականի հուլիս-օգոստոսին տիեզերք արձակել Azerspace արբանյակը, որը, որոշակի տվյալներով, կարող է ծառայել նաև ռազմական նպատակներին:
