Իտալիայի ազգային խորհրդարանի սենատը չորեքշաբթի օրը մերժել է ընդդիմադիր «5 աստղ շարժման» առաջ քաշած՝ «ազգային օրինագիծը» անհապաղ քննարկելու մասին առաջարկությունը, որը թույլ կտար Ապենիններում անցկացնել հանրաքվե եվրոյի փոխարեն նոր ազգային արժույթի ընդունման վերաբերյալ: Այս մասին հաղորդում է II Fatto Quotidiano պարբերականը:
Այդ առաջարկությանն աջակցել են միայն «Հյուսիսի լիգա» կուսակցության ներկայացուցիչները:
Առաջարկությունը ներկայացվել է հուլիսի 5-ին Հունաստանում անցկացված հանրաքվեից հետո, որի ժամանակ ընտրողները մերժեցին արտաքին ֆինանսավորման դիմաց կրճատումների մասին ԵՄ վարկատուների առաջարկությունը:
