Georgia Online-ի փոխանցմամբ՝ թուրք-վրացական սահմանին բացվելու է ազատ ինդուստրիալ գոտի, որի տարածքը կազմելու է 300 հեկտար: Այն գտնվելու է Գոնիո ավանում՝ թուրքական սահմանի մոտ:
Նախագծի հեղինակ, «Վրաց-բելառուսական բիզնես խումբ» ընկերության ղեկավար Արչիլ Դոլիձեն հայտարարել է, որ դրանում միավորվել են աշխարհի տարբեր երկրների ներդրողները, ինչպիսիք են չեխական «Տատրան», ամերիկյան «Ինվեսթ էներջին», ինչպես նաև իսրայելցի ու կանադացի գործարարներ:
Ներկա դրությամբ բանակցություններ են տարվում Վրաստանի կառավարության հետ՝ կապված ազատ ինդուստրիալ գոտուն կարգավիճակ տրամադրելու հետ: Ինդուստրիալ գոտին կբաժանվի երեք ձևաչափի: Դրանցից առաջինը կնախատեսի 10 հեկտար տարածքի վրա բիզնես-օբյեկտների տեղակայում:
Բիզնես գոտին միավորելու է ֆոնդային բորսան, լիզինգային ընկերությունն ու բիզնես-սուբյեկտների: Երկրորդ մասը նախատեսված է լինելու զբոսաշրջային բիզնեսի համար և միավորելու է բարձր դասի մի շարք հյուրանոցներ: Երրորդում էլ գտնվելու են IT լաբորատորիաները:
