Ֆրանսիան կանի հնարավոր ամեն ինչ, որպեսզի Հունաստանը մնա եվրոգոտում, սակայն հունական կառավարությունը պետք է երկիրը տանի բարեփոխումների ուղով։ Այս մասին հայտարարել է Ֆրանսիայի վարչապետ Մանուել Վալսը՝ ելույթ ունենալով RTL ռադիոկայանի եթերում։
«Ներկայում ԵՄ-ն գտնվում է վճռորոշ փուլում։ Ֆրանսիան արել է և կանի իրենից կախված ամեն ինչ, որպեսզի Հունաստանը մնա եվրոգոտում»,- ասել է նա՝ հավելելով, որ եվրոգոտուց Հունաստանի դուրս գալու ռիսկ թույլ տալ չի կարելի ինչպես տնտեսական, այնպես էլ քաղաքական պատճառներով։
Եվրոգոտուց Հունաստանի դուրս գալը՝ դառնալով առաջին նման դեպքը ԵՄ պատմության մեջ, իրենից վտանգ կներկայացնի ողջ համաշխարհային տնտեսության աճի հնարավորության համար։
