Ադրբեջանի արտաքին գործերի նախարարությունը բողոք է հայտնել ռուսական օպերային երգչուհի Լյուբով Կազարնովսկայայի դեմ Հայաստանի կողմից Ադրբեջանի օկուպացված տարածքներ այցելության կապակցությամբ և նրան հայտարարել է «պերսոնա նոն գրատա», հայտնում է Interfax-ը:
«Ռուսական օպերային երգչուհի Լյուբով Կազարնովսկայայի անունը կընդգրկվի Ադրբեջանում անցանկալի անձանց ցուցակի մեջ՝ կապված Հայաստանի կողմից «օկուպացված» տարածքներ այցելության և Ադրբեջանի հանրապետության «Պետական սահմանի մասին» օրենքը խախտելու հետ»,- հայտարարել է Ադրբեջանի ԱԳՆ մամլո ծառայության ղեկավար Հիկմեթ Գաջիևը՝ մեկնաբանելով երգչուհու այցը Հայաստանի կողմից «օկուպացված» տարածքներ:
Ինչպես հայտնում են, ավելի վաղ Կազարնովսկայան այցելել էր Լեռնային Ղարաբաղ, որտեղ երաժշտական ուսումնարաններից մեկում անցկացրել էր վարպետության դաս:
