ԱՄՆ իշխանությունները հերքում են Վենեսուելայի դեմ դավադրության մեղադրանքները, որոնք հնչեցրել է երկրի փոխնաագահ Նիկոլաս Մադուրոն: Այս մասին հայտարարել է ԱՄՆ պետդեպի ներկայացուցիչը, որը անանունության պայմանով ելույթ է ունեցել լրագրողների համար հեռախոսային բրիֆինգով:
ԱՄՆ-ն վարչակազմը Մադուրոյի այդ արտահայտությունները համարում է որպես ընտրարշավի մաս, որը սկսվում է Վենեսուելայում՝ կապված Ուգո Չավեսի մահվան հետ,- նշել է ԱՄՆ պետդեպի ներկայացուցիչը: Մադուրոյի հայտարարությունը, որով Կարակասում ԱՄՆ դեսպանատան ռազմական կցորդները մեղադրվել են հանրապետության դեմ դավադրությանը մասնակցելու մեջ, անանուն աղբյուրը որակել է որպես «վիրավորական» և հերքել դրանք,- հայտնում է RIA Novosti-ն:
Կին ներկայացուցիչը հայտնել է, որ Օբամայի վարչակազմը ներկայումս ուսումնասիրում է Վենեսուելայի կառավարության՝ ամերիկացի երկու դիվանագետների արտաքսման որոշման դիմաց պատասխանի հնարավոր տարբերակները:
Նշենք, որ Մադուրոն հայտարարել էր, որ իրենց հայրենիքի պատմական թշնամիները գտնել են միջոց, թե ինչպես վնասել իրենց կոմանդանտեի առողջությանը:
Ռուսաստանից Չավեսի հուղարկավորությանը կգնան «Ռոսնեֆտի» նախագահ Իգոր Սեչինը՝ որպես ՌԴ նախագահի հատուկ ներկայացուցիչ, արդյունաբերության և առևտրի նախարար Դենիս Մանտուրովը և «Ռոստեխնոլոգի» պետական կորպորացիայի գլխավոր տնօրեն Սերգեյ Չեմեզովը,- հայտնել է ՌԴ ղեկավարի մամլո քարտուղար Դմիտրի Պեսկովը:
