Հզոր հրդեհով երկուշաբթի երեկոյան ոչնչացվել էր նեապոլյան «Գիտության քաղաք» թանգարանը: Դեպքի ժամանակ ոչ ոք չի տուժել, քանի որ երկուշաբթին ավանդական թանգարանային հանգստյան օրն է: Հրշեջներից պահանջվել է մի քանի ժամ, որպեսզի մեկուսացնեն բռնկման օջախը, սակայն գրեթե բոլոր շինությունները ոչնչացվել են:
Տեղի իշխանությունները քննարկում են դիտավորյալ հրկիզման գաղափարը: Նեապոլի քաղաքապետ Լուիջի Դե Մաջիսթրիսը նշել է, որ քաղաքը պաշարման մեջ է: Խոսքը «Կամորա» մաֆիայի մասին է, որը վաղուց էր հավակնում հողերին, ուր տեղակայված էր թանգարանը:
2001 թ. բացվել էր ինտերակտիվ թանգարանը, որտեղ ներկայացվել են նոր տեխնոլոգիաների ոլորտում վերջին ձեռքբերումները և նորարարությունները: Ամեն տարի «Գիտության քաղաք» այցելել է 350 հազար մարդ: