Դերասանուհի, պրոդյուսեր Եվա Լոնգորիան տան համար տեքստիլի հավաքածու է ստեղծել, հայտնում է elle.ru-ն: Հարցազրույցներից մեկում Եվան նշել է, որ դա իր վաղեմի երազանքն է եղել:
Մի քանի օր առաջ լոսանջելեսյան JCPenney-ի խանութներից մեկում դերասանուհին պաշտոնապես ներկայացրել է Eva Longoria Home հավաքածուն:
«Եթե դուք ուզում եք ինչ-որ բան փոխել տանը, ննջասենյակից սկսեք: Գեղեցիկ անկողինը կարող է նոր ազդակ տալ ձեր հարաբերություններին,- խորհուրդ է տալիս սկսնակ դիզայները:- Իսկ որպեսզի տանն ավելի հարմար լինի, սիրելի բազմոցի բարձերին նոր, վառ, դեկորատիվ ուլունքներով զարդարված երեսներ «հագցրեք»: Դա բավարար կլինի, որ ինտերիերը նոր գույներ ստանա»:
