Euromag.ru-ի փոխանցմամբ՝ Գերմանիայի ինդուստրիալ Ռուրի շրջանում գտնվող Էսսեն քաղաքը ճանաչվել է 2017 թվականին Եվրոպայի «կանաչ» մայրաքաղաք: Ժյուրիի անդամները Գերմանիայի հյուսիս-արևմուտքում գտնվող այդ քաղաքի համար նման որոշում են կայացրել, քանի որ նա բարձր ցուցանիշներ է գրանցել բնության պաշտպանության, բիոբազմազանության բարելավման, ինչպես նաև ջրերի աղտոտվածության կրճատման հարցերում:
Քաղաքը մասնակցում է մթնոլորտ ջերմոցային գազերի արտանետման կրճատմանն ու կլիմայի փոփոխությունների ֆոնին քաղաքի կայունության բարելավմանն առնչվող ամենատարբեր ծրագրերի: 570.000 բնակչություն ունեցող Էսսենը Գերմանիայի 9-րդ խոշոր քաղաքն է:
2010-2017 թվականներին եվրոպական «կանաչ» մայրաքաղաքներ են ճանաչվել Ստոկհոլմը, Համբուրգը, Վիտորիա-Գաստեյսը, Նանտը, Կոպենհագենը, Բրիստոլը, Լյուբլյանան և այժմ էլ՝ Էսսենը:
