Միլանի հայտնի տաճարը վնասվել է՝ անօդաչուն մխրճվել է տաճարի մեջ: Այս մասին հայտնում է The Local-ը:
Տեսախցիկով ուղղաթիռը ղեկավարել են կորեացի 3 զբոսաշրջիկներ՝ 42, 39 և 35 տարեկան: Հեռակառավարվող սարքը թռել է տաճարի 45-մետրանոց շենքի տանիքի շուրջը:
Անօդաչուն կասկած է առաջացրել Veneranda Fabbrica կազմակերպության աշխատակիցների շրջանում, որը պատասխանատու է տաճարի սպասարկման համար, ինչից հետո ոստիկանություն են կանչել: Երբ ոստիկանությունը ժամանել է, զբոսաշրջիկները կանգնած են եղել շենքի առջևի հրապարակում: Հաջորդ պահին նրանք կորցրել են սարքի կառավարումը, և այն ընկել է շենքի տանիքի վրայի մալուխի վրա:
Veneranda Fabbrica-ի նախնական գնահատականներով՝ վնասումներն աննշան են: Ոստիկանությունը դեռ որոշում է՝ դեպքի ընթացքում անօդաչուների կիրառման մասին օրենքի որևէ խախտում եղե՞լ է, թե՞ ոչ, և արդյոք զբոսաշրջիկների հանդեպ որևէ պատժամիջոց կկիրառվի՞:
