ԱՄՆ-ում թափ է հավաքում Համադաշնության դրոշի բոյկոտը, որին միացել են արդեն Google-ը, ռիթեյլերներ Wall-Mart-ը, Target-ը, Sears-ը, ինչպես նաև Amazon և eBay համացանցային խանութները:
Google-ը հայտարարել է, որ կջնջի Համադաշնության դրոշը պարունակող կոնտենտը Google Shopping ծառայությունից և իր կայքերի գովազդներից: Մյուս ընկերությունները հայտարարել են այն մասին, որ կհրաժարվեն դրոշը, ինչպես նաև դրա պատկերով ապրանքները վաճառելուց` ներառյալ մարզաշապիկները:
Նման միջոցառումների համար պատճառ է դարձել այն, որ այդ դրոշը ձեռքին լուսանկարվել է անցյալ շաբաթ աֆրոամերիկյան եկեղեցում 9 հոգու սպանած Դիլան Ռուֆը: Բացի այդ, այդ դրոշը գործածել է հարավցիների բանակը, որը կողմ էր XIX դարում ԱՄՆ-ում Քաղաքացիական պատերազմի ժամանակ ստրկության պահպանմանը:
