KFC արագ սննդի ռեստորանների ցանցը պնդում է, որ անկախ փորձաքննությունն ապացուցել է գնորդի`որպես հավի նագեթս իրեն տապակած առնետ վաճառելու մասին հայտարարության կեղծ լինելը, հաղորդում է BBC-ն:
Ընկերության ներկայացուցչի խոսքերով`գնորդի փաստաբանը KFC-ի մասնագետներին է փոխանցել վիճելի մթերքը, որն էլ վերջիններս անկախ լաբորատորիա փորձաքննության են ուղարկել: ԴՆԹ-ի անալիզը պարզել է, որ նագեթսը պատրաստված է հավի մասից:
Դրա հետ կապված` KFC-ն գնորդից պահանջել է ներողություն խնդրել ընկերության արտադրանքի վերաբերյալ կեղծ հայտարարության համար, որը ստվեր է նետում նրա հեղինակության վրա:
