Առնվազն 10 մարդ է զոհվել, այդ թվում` երեք երեխա, ԱՄՆ կենտրոնական և հարավային նահանգներում տեղի ունեցած պտտահողմի հետևանքով: BBC-ի փոխանցմամբ, ուժեղ քամին առանց հոսանքի է թողել հազարավոր ընտանիքներ: Ընդ որում` վերջին երկու օրվա ընթացքում միանգամից 35 պտտահողմ է մոլեգնել Միսիսիպի, Ալաբամա, Օկլահոմա, Կանզաս և Թեքսաս նահանգներում: Հայտնի է, որ ուժեղ քամիներն այս պահին շարժվում են դեպի հարավ-արևելք:
Մասնագետները նշում են, որ 2011թ. արևադարձային մրրիկներն առավել ակտիվ են լինելու: Այսպիսի եզրակացության է եկել Կոլորադո նահանգի համալսարանի օդերևութաբանների խմբի ղեկավար Ֆիլիպ Քլոթցբախը` մի շարք ուսումնասիրություններ իրականացնելուց հետո:
Այս մասին հաղորդումէ NEWSru.com կայքը:
Քլոթցբախը նշել է, որ այս տարի Ատլանտյան օվկիանոսում կառաջանա 16 արևադարձային փոթորիկ, որոնցից 9-ը կվերածվեն մրրիկների: Դրանցից առնվազն 5-ին կտրվի վտանգավորության ամենաբարձր աստիճան:
