Եգիպտոսն այսօր երեք օրով բացել է Գազայի հետ սահմանի միակ անցումը՝ թույլ տալով նման հնարավորությանը տևական ժամանակ սպասած հազարավոր մարդկանց անցնել պաղեստինյան անկլավ և դուրս գալ այնտեղից։ Այս մասին հայտնում են տեղի իշխանությունները՝ փոխանցում է RIA Novosti-ն։
Հունիսին, երբ մուսուլմանները նշում են սուրբ ամիս Ռամադանը, «Ռաֆահ» հսկիչ անցակետը երկու կողմում կգործի առնվազն 10 օր՝ կրկնակի ավելի, քան մնացած ամիսներին։ Գազայի 1.8 մլն բնակիչների մեծ մասի համար «Ռաֆահը» մնում է միակ պոտենցիալ հասանելի դարպասը դեպի արտաքին աշխարհ։
Սահմանի բացումը տեղի է ունեցել լուրջ բանակցություններից հետո, որոնք անցկացրել է Պաղեստինի նախագահ Աբու Մազենը եգիպտացի գործընկերոջ՝ Աբդել Ֆաթահ Ալ-Սիսիի հետ։
