Ամերիկացի զինծառայողներին հաջողվել է Իրաքում ոչնչացնել ԴԱԻՇ-ի պարագլուխներից մեկին, ով կարող է կապված լինել լիբիական Բենղազի քաղաքում ԱՄՆ հյուպատոսության վրա կատարված հարձակման հետ։ Այս մասին հայտնում է RIA Novosti-ն՝ հղում անելով Պենտագոնին։
Ինչպես նշվում է՝ Ալի Ավնի Ալ-Հազրի անունով գրոհայինը հյուսիսային Աֆրիկայում և Մերձավոր Արևելքում ղեկավարել է բազմաթիվ ծայրահեղականների՝ կապված ԴԱԻՇ-ի հետ։
«Նրա մահվամբ նվազում է ԴԱԻՇ-ի ունակությունը՝ հյուսիսային Աֆրիկայից գրոհայիններին Սիրիա և Իրաք ուղարկելու հարցում»,- ասվում է հաղորդագրությունում։
Նշվում է նաև, որ Ալ-Հազրին սպանվել է հունիսի 15-ին՝ Մոսուլի ռմբակոծման արդյունքում։
2012-ի սեպտեմբերի 11-ին Բենղազիում ամերիկյան դեսպանատան վրա կատարված զինված հարձակման հետևանքով զոհվել էին ԱՄՆ դեսպան Քրիստոֆեր Սթիվենսը, դիվանագիտական ներկայացուցչության աշխատակից և 2 նախկին հատուկ ջոկատայիններ։
