Ռուսական TASS լրատվական գործակալության փոխանցմամբ՝ «վեցյակի» ու Իրանի միջև բանակցությունները թևակոխում են վճռորոշ փուլ՝ ուղղված կոնկրետ արդյունք արձանագրելուն: Այս մասին Լյուքսեմբուրգում հայտարարել է Մեծ Բրիտանիայի նախկին արտգործնախարար Ուիլյամ Հեյգը:
Միևնույն ժամանակ Մեծ Բրիտանիայի ներկայիս արտգործնախարար Ֆիլիպ Հեմոնդը Լյուքսեմբուրգում լրագրողների հետ զրույցում հայտարարել է, որ միջուկային խնդրի լուծման համար Իրանը պետք է էլ ավելի մեծ ճկունություն ցուցաբերի: Հեմոնդը չի բացառել, որ հաջորդ շաբաթվա ընթացքում կգրանցվի իրական առաջընթաց: Նա հավելել է, որ այսօր պատրաստվում է հանդիպել Իրանի արտգործնախարար Մոհամմադ Ջավադ Զարիֆի հետ:
Իրանն ու «վեցյակը» պետք է համապարփակ միջուկային համաձայնագրին հասնեն մինչև հունիսի 30-ը, սակայն Զարիֆը չի բացառել, որ բանակցային գործընթացը կերկարաձգվի:
