Սիրիայի տնտեսական մայրաքաղաք Հալեպում երեկ հրթիռակոծության հետևանքով հայեր են զոհվել։
Ինչպես տեղեկացնում է Հալեպի «Գանձասար» հայկական շաբաթաթերթի ֆեյսբուքյան էջը, քաղաքապետարանի շենքի հրթիռակոծության հետևանքով զոհվել են երկու հայեր։
Նրանցից մեկը Հայաստանի հայ ավետարանական «Կյանքի խոսք» եկեղեցու միսիոներ Էդուարդ Պետրոսյանն (Ստեփանյան) է, իսկ մյուսը հալեպահայ Կարո Մկրտիչյանը։
Հալեպում տագնապալի իրավիճակը շարունակվում է։ Արդեն կիսավեր դարձած քաղաքում հրթիռակոծությունները, բախումները չեն դադարում։ Իրավիճակն ավելի է դժվարացնում բնակչության նյութական ծանր վիճակը, էլեկտրաէներգիայի և ինտերնետի հաճախակի խափանումները, երբեմն ջրի բացակայությունը։
