Թոքերը գտնվում են մարդու մարմնի կրծքի խոռոչում։ Դրանց հիմնական ֆունկցիան գազափոխանակությունն է։ Թոքերը մասնակցում են նաև մարմնի հաստատուն ջերմաստիճանի պահպանմանը, արյան մակարդման կարգավորմանը, իմունային հակամարմինների մշակմանը, սպիտակուցների, ճարպերի ու ածխաջրերի փոխանակությանը։
Այսօրվա հիվանդն ունի թոքերի բարդացած պոլիկիստոզ՝ աջ թոքի միջին բլթի ախտահարմամբ։
Այս հիվանդությունը ունի բնածին արատների շարքին պատկանող բնութագիր։ Ցանկացած վիրուսային հիվանդությունների ժամանակ այն հակում ունի սրվելու։ Հիվանդությանը բնորոշ են հազը, թարախային բնույթի խորխարտադրությունը և օրգանիզմի թունավորման երևույթները։
Վիտամինների, հակաբիոտիկների ազդեցությունն այս հիվանդության դեպքում կարճատև է։ Հիվանդությունը բուժվում է միայն վիրահատական միջամտությամբ։
Վիրահատությունը կատարում է «Էրեբունի» ԲԿ-ի կրծքային վիրաբուժության բաժանմունքի վարիչ, բժշկական գիտությունների դոկտոր, պրոֆեսոր Արտակ Կառլենի Հովհաննիսյանը:
