Ռասիզմը մնում է ԱՄՆ-ի համար հիմնական սպառնալիքներից մեկը՝ կարծում է նախագահ Բարաք Օբաման։ Այս մասին հայտնում է Reuters գործակալությունը։
«Ռասիզմը մնում է մարտահրավեր, որի դեմ մենք պետք է բոլորս միասին պայքարենք։ Մենք մեծ առաջընթացի ենք հասել, սակայն պետք է զգոն լինենք, քանի որ այն դեռևս պահպանվում է։ Եվ այն թունավորում է երիտասարդների գիտակցությունը, դավաճանում մեր իդեալները և պառակտում մեր ժողովրդավարությունը»,- հայտարարել է նախագահ Օբաման։
Այդպես է Օբաման մեկնաբանել Չարլսթոն քաղաքի եկեղեցում սևամորթ ծխականների գնդակոծումը, որը 9 մարդու կյանք է խլել։
Ավելի վաղ հաղորդվել էր, որ ԱՄՆ արդարադատության նախարարությունը Չարլսթոնի հրաձգությունը դիտարկում է որպես ահաբեկչություն։
