Ֆրանսիական «Կառֆուրի»՝ ՀՀ-ում հիպերմարկետ բացելու շուրջ խոսակցությունները չեն դադարում: Տարածվող լուրերի մեջ արդեն դժվար է որոշել՝ որն է իրականությանը մոտ, որը՝ ոչ: Երեկ ԱԺ ՀՀԿ խմբակցության անդամ Մանվել Բադեյանը ԶԼՄ-ներից մեկին հայտարարել, թե առաջարկել է «Կառֆուր» ցանցին իր ունեցած տարածքը՝ հիպերմարկետ կառուցելու համար, սակայն այն հարմար չի եղել՝ տեխնիկական պատճառներով։ Պատգամավորը փոխանցել էր նաև իրեն հասած շրջանառվող լուրերը, թե իբր «Կառֆուրն» արդեն վաղուց իր շենքը կառուցում է Ավանում:
Լուրի իսկությունը պարզելու նպատակով «Առաջին լրատվական»-ը դիմեց Երևանի Ավան վարչական շրջանի ղեկավար Մանվել Ջավադյանին, ով հերքեց, թե Ավանում հողահատկացում է արվել ֆրանսիական ընկերությանը:
«Չեմ կարծում, որ հող է հատկացվել, քանի որ եթե հատկացված լիներ՝ կիմանայինք»,- ասաց Մ. Ջավադյանը:
