Հայ Ազգային Կոնգրեսը հրապարակել է ս.թ. փետրվարին Կոնգրեսի քաղխորհրդի կողմից ընդունված «ՀՀ Հանրակրթության հեռանկարային զարգացման ծրագիրը»: Ծրագրի առանցքային դրույթներն են հանրակրթության ֆինանսավորումը աշակերտին տրվող անհատական հավաստագրերի միջոցով, ինչպես նաև գիտելիքի գնահատման անկախ համակարգի ստեղծումը։ Այս դրույթների հետ մեկտեղ ծրագրում նախատեսվում են հանրակրթության իրական ինքնակառավարման մեխանիզմների ձևավորումն ու խորացումը, դպրոցներում կրոնական և քաղաքական գաղափարախոսությունների քարոզումն ու տարածումը բացառող մեխանիզմներ, ինչպես նաև հանրակրթական ծրագրերը պետական լեզվով իրականացնելու սահմանադրական պահանջի վերականգնումը:
