Starslife.ru-ի փոխանցմամբ՝ երգիչ, դերասան և գոլֆիստ Ջասթին Թիմբերլեյքն առաջին անգամ կմասնակցի գոլֆի առաջնությանը:
Համաամերիկյան մրցաշարն անցկացվելու է հուլիսին: Թիմբերլեյքից բացի, դրան կմասնակցեն մի շարք անվանի գոլֆիստներ, ինչպիսիք են՝ Չարլզ Բարկլին, Ահարոն Ռոջերսը և Ջոն Էլվեյը:
Մրցաշարի կազմակերպիչը հայտարարել է, որ Ջասթին Թիմբերլեյքի հետ երկար տարիներ քննարկել է առաջնությանը նրա մասնակցելու հարցը, սակայն ամեն անգամ մրցաշարի անցկացման ժամկետը չի համընկել Թիմբերլեյքի շրջագայությունների գրաֆիկին։
«Այս անգամ Ջասթինը մեզ հետ է, և մենք հուսով ենք, որ նա յուրահատուկ օրինակ կծառայի մյուս հանրահայտ անձանց համար, որոնք ամեն տարի գալիս են Տախո լիճ»,- ասել է նա։
2001 թվականից սկսած՝ հաջողվել է մրցաշարի ժամանակ վաստակել մոտ 47 միլիոն դոլար, ինչը հետագայում փոխանցվում է բարեգործական կազմակերպություններին:
