«Ալյանս» առաջադիմական, ցենտրիստական կուսակցության երիտասարդական թևն այսօր էներգետիկայի նախարարության առջև բողոքի ակցիա անցկացրեց՝ պահանջելով չբարձրացնել էլէներգիայի սակագինը: Թեպետ նախաձեռնության հայտարարության մեջ նշված էր, որ ակցիան նախաձեռնել են երիտասարդները, այնուամենայնիվ ներկա էին նաև տարեց մարդիկ, ովքեր «Ալյանսի» հետ մեծ հույսեր էին կապում:
Կուսակցության երիտթևի ներկայացուցիչները պահանջում էին, որ Էներգետիկայի նախարար Երվանդ Զախարյանը իջնի ներքև: Մի քանի րոպե նախարարության շենքի դիմաց իրենց պահանջները ներկայացնելուց հետո երիտասարդներն իրենք մտան նախարարության շենք, սակայն քանի որ լրատվամիջոցների մուտքն այնտեղ արգելվեց՝ իրենք էլ վերև չբարձրացան։
Այնուհետև երիտասարդներին մոտեցավ նախարարության աշխատակիցը, երիտասարդները նրան հանձնեցին ՀՀ քրեական օրենսգիրքը և խնդրեցին փոխանցել Երվանդ Զախարյանին՝ հայտարարելով, որ էլէներգիայի սակագնի բարձրացման դեպքում նրանց նաև քրեական պատասխանատվություն է սպառնում։
Առավել մանրամասն՝ մեր տեսանյութում
