Sputnik Georgia լրատվական գործակալության փոխանցմամբ՝ Վրաստանի վարչապետի՝ Ռուսաստանի հետ հարաբերությունների կարգավորման հարցերով հատուկ ներկայացուցիչ Զուրաբ Աբաշիձեն հայտարարել է, որ ներկա փուլում անհնար է Ռուսաստանի հետ դիվանագիտական հարաբերությունները վերականգնել։
«Ինչպես կարող ենք մենք այսպիսի իրավիճակում վերականգնել դիվանագիտական հարաբերությունները, երբ երկիրը չի ճանաչում քո տարածքային ամբողջականությունը և ընդհակառակը՝ նպաստում է երկրի մասնատմանը:
Սակայն մենք ասում ենք հետևյալը. եթե իսկապես գործընթաց սկսվի այդ խնդիրների լուծման համար, եթե տեղի ունենա լուրջ առաջընթաց, բեկումներ՝ կապված գլխավոր խնդիրների՝ Աբխազիայի ու Հարավային Օսիայի հետ, ապա ինչ-որ փուլում կարող է բարձրացվել դիվանագիտական հարաբերությունների վերականգնման հարցը, սակայն ներկա դրությամբ դա բացարձակապես իրատեսական չէ»,- ասել է նա:
