Թուրքական NTV հեռուստաալիքի փոխանցմամբ՝ Թուրքիան պատրաստվում է ռազմաբազա հիմնել Կատարում, որը կլինի արտերկրում Թուրքիայի առաջին ռազմաբազան:
Համապատասխան որոշումը հրապարակվել է Պաշտոնաթերթում (Resmi Gazete): Այդ ռազմաբազայում գտնվելու են Թուրքիայի ռազմաօդային ուժերի, ինչպես նաև ցամաքային զորքերի և հատուկ նշանակության ուժերի զորամասերը:
Թուրքիան կկարողանա օգտվել Կատարի նավահանգիստներից, օդանավակայաններից ու օդային տիրույթից: Ակնկալվում է, որ Կատարում թուրքական ռազմական ներկայությունը կլինի բրիգադի մակարդակի, և որ այդ ստորաբաժանումներին կղեկավարի բրիգադի գեներալը:
Որպես ռազմաբազայի ստեղծման նպատակ՝ նշվում է միջազգային ահաբեկչության դեմ պայքարին աջակցելը:
