Վրաստանի էկոնամիկայի և կայուն զարգացման նախարար և փոխվարչապետ Գեորգի Կվիրիկաշվիլին հայտարարել է, որ դատախազությունն ուսումնասիրում է պաշտոնատար անձանց կողմից քաղաքացիների անձնական գույքն անօրինական կերպով բռնագրավման փաստերը, որոնք Սահաաշվիլու կառավարման ժամանակ կրել են զանգվածային բնույթ: Այս մասին հաղորդում է interfax.ru-ն:
Նա նշել են, որ գույքը հետ կվերադարձվի քաղաքացիներին 1 լարի խորհրդանշանական գնով:
Նախարարի խոսքերով՝ 2012 թվականին Վրաստանում նոր իշխանության գալու օրվանից իրենք բազմաթիվ հանդիպումներ են ունեցել այն մարդկանց հետ, ովքեր դիմել են նախարարություն և հայտարարել իրենցից խլված գույքի մասին:
«Այդ գույքը մենք պահպանել ենք այն բանի համար, որ իրավաբանական վարույթների ավարտից հետո այն չհայտնվեր երրորդ անձանց ձեռքերում կամ չվաճառվեր»,- հայտարարել է Կվիրիկաշվիլին:
Նա նշել է, որ այդ կարողության որոշ մասը նախորդ իշխանությունների ժամանակ արդեն վաճառվել է, այդ պատճառով այն շատ բարդ գործընթաց է, և այդպիսի հարցերը լուծվում են միայն դատարանի միջոցով:
Ներկայումս, ուսումնասիրման ընթացքի մեջ են քաղաքացիների տասնյակ հազարավոր դիմումներ և բողոքներ, որտեղ ասվում է նախորդ իշխանությունների ժամանակ պաշտոնյա անձանց կողմից իրենց կրած ֆիզիկական և նյութական վնասների մասին:
