Թոնի Բլերը, նախօրեին ելույթ ունենալով Իրաք ներխուժելու տասնամյակից առաջ, ասել է, որ նա դադարել է այդ որոշումը արդարացնող փաստարկներ ներկայացնել, գրում է The Times-ը:
«Այժմ ես փորձում եմ մարդկանց ստիպել հասկանալ, թե ինչքան դժվար էր նման որոշում կայացնել, քանի որ, իմ կարծիքով, եթե մենք դա չհասկանանք, մոտ ժամանակներս նմանատիպ խնդիրների շարք կառաջանա»,- BBC-ի տված հարցազրույցում ասել է Բրիտանիայի նախկին վարչապետը:
Նա խոստովանել է, որ այսօր կյանքը Իրաքում, որտեղ տարբեր աղանդների միջև շարունակվում են ամենաշաբաթյա սպանությունները, այն չէ, ինչը որ նա սպասում էր տեսնել Սադամ Հուսեյնի ռեժիմի տապալումից հետո: Սակայն, Բլերի խոսքերով, այդ բռնակալը 20 անգամ ավելի վատն էր, քան բաշար Ասադը՝ Սիրիայում:
«Շատ դժվար կլինի, սակայն ես կարծում եմ, որ սխալ ենք թույլ տալիս, խորապես սխալ ենք, եթե կարծում ենք, որ կկարողանանք չմասնակցել այդ պատերազմին, քանի որ դա մեզ էլ է վերաբերում, անկախ նրանից՝ ուզում ենք մենք դա, թե ոչ»,- ավելացրել է Բլերը՝ խոսելով Մերձավոր Արևելքի անկայունության մասին, որը հաջորդել է «արաբական գարնանը»:
