Lenta.ru-ի փոխանցմամբ` Պոմոնում (Կալիֆոռնիա) անցկացվում է ռոբոտների խոշորագույն մրցաշարը` DARPA Robotics Challenge-ը: Այն կազմակերպել է ԱՄՆ Հեռանկարային պաշտպանական գիտահետազոտական մշակումների գործակալությունը (DARPA), որ սահմանել է 3.5 միլիոն դոլարի մրցանակային հիմնադրամ:
Զինվորականները նպատակադրվել են պարզել, թե որ մեքենան է լավագույն ձևով հարմարվում արտակարգ իրավիճակների հետևանքները վերացնելուն: Ընդհանուր առմամբ մրցույթին մասնակցում է աշխարհի տարբեր երկրներից ժամանած 24 թիմ:
Հաղթող թիմը կստանա 2 միլիոն դոլար, երկրորդ տեղ զբաղեցրած թիմը` 1 միլիոն դոլար, իսկ երրորդ տեղ գրաված թիմը` 500.000 դոլար:
