Գերմանիան 2006թ. ֆուտբոլի աշխարհի առաջնության անցկացման իրավունքը շահել է անազնիվ պայքարում: Այդ մասին հայտնում է Zeit Online-ը:
Հրատարակչությունը հղում է կատարում այն տվյալներին, ըստ որոնց քվեարկություն անցկացնելուց ոչ շատ առաջ գերմանական ընկերությունները և քաղաքական գործիչները սկսել են ակտիվ գործողություններ կատարել այն երկրներում, որտեղ ապրել են Ֆուտբոլի միջազգային ֆեդերացիայի գործադիր կոմիտեի անդամները:
Մասնավորապես հաստատվում է, որ Գերհարդ Շրյոդերի կառավարությունը Սաուդյան Արաբիային հակատանկային նռնականետներ մատակարարելու որոշում է կայացրել:
Բացի այդ, գերմանական մեքենաշինական մի ընկերություն հարյուրավոր միլիոն եվրոյի ներդրում է կատարել հարավկորեական մի ընկերությունում, որի հիմնադրի որդին եղել է հանձնաժողովում:
Ավելի վաղ Կոնգոյի ֆուտբոլի ֆեդերացիայի նախագահ Կոնստանտ Օմարին հայտարարել է, որ գերմանական ֆուտբոլային միության ներկայացուցիչները անօրինական են ստացել աշխարհի առաջնությունը՝ գնելով Օվկիանիայի ձայները:
Գերմանիան աշխարհի առաջնության անցկացման իրավունքը շահել էր 2000թ. հուլիսի 6-ին՝ առաջ անցնելով իր մրցակիցներ Բրազիլիայից, Մարոկկոյից, Անգլիայից և ՀԱՀ-ից:
