Սյունիքի մարզում այսօր ուժեղ քամի է եղել, որի հետևանքով Սառնակունք և Գոռհայք գյուղերում բազմաթիվ տների ու անասնագոմերի տանիքներ են վնասվել:
ՀՀ տարածքային կառավարման և արտակարգ իրավիճակների նախարարությունն այս կապակցությամբ հայտնում է.
Հունիսի 6-ին, ժամը 09.55-ին տեղեկատվություն է ստացվել, որ ս.թ հունիսի 5-ին ժամը 22.00-ի սահմաններում Սյունիքի մարզիՍառնակունք գյուղում ուժեղ քամուց վնասվել են տան և անասնագոմի տանիքներ:
Դեպքի վայր է մեկնել մեկ մարտական հաշվարկ:
Պարզվել է, որ ուժեղ քամուց վնասվել են 6-րդ փողոցի Ա. Ս.-ին (մոտ 30 քմ), Զ. Ա.-ին (մոտ 15քմ), Ա. Ս.-ին (մոտ 9 քմ), Ն. Ա.-ին (մոտ 30քմ), 5-րդ փողոցի Ս. Մ.-ին (մոտ 10 քմ), 7-րդ փողոցի Ա. Դ.-ին (մոտ 6 քմ) պատկանող անասնագոմերի և Գ. Ա.-ին պատկանող թիվ 19 տան (մոտ 6 քմ ) և անասնագոմի տանիքներըը (մոտ 11 քմ):
Դեպքի մասին տեղեկացվել են ՃԿԱԿ-ում քաղաքաշինության նախարարարության պատասխանատու աշխատակիցը, մարզպետարանի տարածքային բաժնի և քաղաքաշինության բաժնի պետերը:
***
Հունիսի 6-ին, ժամը 09.55-ին տեղեկատվություն է ստացվել, որ Սյունիքի մարզի Գոռհայքի գյուղում ուժեղ քամուց վնասվել է անասնագոմի տանիք:
Դեպքի վայր է մեկնել մեկ մարտական հաշվարկ:
Պարզվել է, որ ուժեղ քամուց վնասվել է Վ. Հովակիմյան 1-ին փողոցի Ռ. Կ.-ին պատկանող անասնագոմի տանիքը (մոտ 15 քմ):
Դեպքի մասին տեղեկացվել են ՃԿԱԿ-ում քաղաքաշինության նախարարարության պատասխանատու աշխատակիցը, մարզպետարանի տարածքային բաժնի և քաղաքաշինության բաժնի պետերը:
