«Հունիսի 7-ին Աբովյանի քաղաքապետի արտահերթ ընտրություններում գործի է դրվելու ընտրակեղծիքների մեխանիզմը, ողջ ընթացքը կառավարավելու է Գագիկ Ծառուկյանի և իր «սափրագլուխնների» կողմից՝ հանուն իրենց կամակատար Վահագն Գևորգյանի»,- «Առաջին լրատվական»-ի հետ զրույցում ասաց Աբովյանի նախկին քաղաքապետ, քաղաքապետի թեկնածու Կարո Իսրայելյանը՝ վստահեցնելով, որ հավաստի տեղեկություններ ունեն, որ ամեն քայլի դիմելու են, որպեսզի Վահագնը քաղքապետ լինի, քանի որ ընտրությամբ չի կարող անցնել. «Նրանք ծայրահեղ քայլերի են գնալու՝ ընտրախախտումներ, փող բաժանել, հիմա էլ դրսից մարդիկ են բերել ցուցակներում ընդգրկել, նոր մեթոդ են կիրառել, ID քարտերով խմբեր են պատրաստել, որոնք ընտրատեղամասերում կշրջեն, ցուցակներով տարբեր տեղեր կան, բավականին կլորիկ գումար են բաժանելու ամսի 6-ի երկոյան»,- նշեց նա:
Կարո Իսրայելյանը շեշտեց, որ որքան էլ Ծառուկյանի թիմը փորձի երկրում ներկայացնել, թե Աբովյան քաղաքն իրենցն է, այդպես չէ, աբովյանցուն չեն կարող շարունակել ստրուկի տեղ դնել և ասել՝ սա իմ թեկնածուն է, լինելու է քաղաքապետ. «Ինչի՞ մասին է խոսքը, որ ես սարսափեմ կամ վախենամ իրենցից, իրենք հսկա են ծնվել, ես էլ փոքր-մոքր, բայց իմ ուղեղը իրենցից լավ է աշխատում, ես իրենց մտածելակերպը գիտեմ, եթե անգամ մտածեն ինձ իրենց առյուծների կեր դարձնեն, իրենց առյուծները և իրենք կթունավորվեն, թող հավերժ դա հիշեն»,- նկատեց նա: Կարո Իսրայելյանը շեշտեց, որ իր ըմբոստանալը պատճառներ ունի, քաղաքի մասին ամեն ինչ գիտի, խնդիրներին ծանոթ է, գիտի՝ ով ինչ է արել:
Մանրամասները տեսանյութում
