Իրանը սկսել է աշխատանքը պլուտոնիումի արտադրության ծրագրի վրա: Պլուտոնիումի արտադրությունը հանդիսանում է ատոմային ռումբի ստեղծման այլընտրանքային ուղի՝ ուրանի հարստացումից բացի: Այսօր նման տեղեկություն է հրապարակել բրիտանական The Daily Telegraph-ը:
Պարբերականը հրապարակել է արբանյակից կատարված նկարահանումները, որոնցում երևում է Առաք քաղաքի (Թեհրանից 240 կմ հարավ-արևմուտք) օբյեկտից բարձրացող գոլորշին: Պարբերականի կողմից հարցված արևմտյան փորձագետները հայտնել են, որ դա վկայում է ծանր ջրի արտադրության մասին: Ծանր ջուրն անհրաժեշտ է պլուտոնիումի արտադրության համար, որը կարող է կիրառվել միջուկային զենքի ստեղծման համար:
Պարբերականը եզրակացնում է, որ միջուկային զենքի ստեղծման համար Իրանն ունի «պլան Բ»:
Առաքի գործարանին կից գտնվում է միջուկային ռեսկտոր, որը կգործարկվի 2014-ի սկզբին: Իրանը չունի պլուտոնիումի արտադրության տեխնոլոգիա, սակայն The Daily Telegraph-ը կարծում է, որ այն Իրանը կարող է ստանալ Հյուսիսային Կորեայից:
