Հայաստանում ստեղծված անվտանգության համակարգն ինքնին վտանգ է: Այսօր այս մասին «Սիվիլիթաս» հիմնադրամի նախաձեռնությամբ կազմակերպված«Ազգային անվտանգություն և օտարերկրյա ռազմաբազաներ» թեմայի շուրջ քննարկման ժամանակ նման կարծիք հայտնեցին Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը և ՀԱԿ Արտաքին հարաբերությունների հանձնաժողովի նախագահ Վլադիմիր Կարապետյանը:
«Բայց այս փուլում մեր անդամությունը ՀԱՊԿ շրջանակներում, հայ-ռուսական համագործակցությունը և ՌԴ բազայի ներկայությունը ՀՀ-ում այլընտրանք չունեն: Բայց ես հավատացած եմ, որ մի օր մենք ի զորու կլինենք ստեղծել համագործակցության այնպիսի ձևաչափ, միջավայր տարածաշրջանում, որ այդ հարցը չի լինի այսպիսի կենսական նշանակության, և մենք կկարողանանք օտարերկրյա զինվոր չունենալ մեր հողի վրա»,- ասաց Վլադիմիր Կարապետյանը: