Հայկական անիմացիայի մեջ մեծ ավանդ ունեցող Նաիրա Մուրադյանը, տեսնելով, թե ինչպես այսօր փակվեցին Երևանի թատրոնի և կինոյի պետական ինստիտուտի դռները ուսանողների առջև և չթողեցին, որ ուսանողները միանան դասադուլին, որոշեց, որ այլևս չի դասավանդի այդ բուհում:
«Ես երբեք քաղաքականությունը չեմ համարել իմը, բայց եթե դուռ են փակում և բանտի են վերածում բուհը, ուրեմն ժամանակն է հեռանալ այնտեղից: Չեմ հասկանում ինչու են իրենց այդպես պահում, երևի տեր են համարում իրենց, իսկ ես միայն ազատության կողմնակից եմ»,- ասել է Մուրադյանը lragir.am-ին:
Նա ավելացնում է, որ չի ընդունում նաև այն մարդկանց, ովքեր դասադուլ չանող երիտասարդներին են մեղադրում:
«Կարևորը ազատ կամքի արտահայտումն է՝ առանց վախեցնելու: Ու միայն դրա համար կարող եմ պայքարել»,- ասում է նա:
Նշենք, որ բուհից հեռանալու պատճառներից է նաև այն, որ բուհում ապահովված չեն պատշաճ տեխնիկական պայմաններ ուսանող կրթելու համար:
