ԱՄՆ հատուկ ծառայություններին գաղտնալսում թույլ տվող, այսպես կոչված, Հայրենասիրական ակտի դրույթների գործողության ժամկետը սպառվել է հունիսի 1-ին, տեղի ժամանակով ժամը 00:00-ին: Ավելի վաղ Սպիտակ տունը զգուշացրել է, որ ԱՄՆ ազգային անվտանգության համար նման սցենարը հղի է վնասներով՝ գրում է TASS-ը:
Կիրակի երեկոյան սենատորները նույնիսկ հատուկ լսումներ են անցկացրել՝ քվեարկելու պրոֆիլային օրինագծի օգտին, որը կոչված է փոխարինել ուժը կորցրած ուղղմանը: Սակայն սենատոր Ռենդ Փոլի՝ նախաձեռնության դեմ կտրուկ դիրքորոշման պատճառով նրանց մոտ ոչինչ չի ստացվել:
Սենատորները երեքշաբթի օրը կքվեարկեն «ԱՄՆ-ի ազատության ակտի» օգտին, որը մայիսի կեսերին հավանության է արժանացրել Ներկայացուցիչների պալատը:
