Հովիկ Աբրահամյանի կառուցած Սուրբ Հովհաննես եկեղեցու բացման արարողությանը մասնակցում էր նաև Գագիկ Ծառուկյանը, ով իշխանական պատվիրակության հետ եկեղեցում գտնվելու փոխարեն՝ անցկացրեց եկեղեցու ետնամասում, մինչև ավարտվեց միջոցառումը:
Վերջինս նախկին ընդդիմադիր Խաչատուր Սուքիասյանի, ՀՀԿ-ական պատգամավոր Վարդան Այվազյանի և նախկին այլ չինովնիկների հետ զրույցի էր բռնվել, երբ «Առաջին լրատվական»-ը մոտեցավ և հետաքրքրվեց իր՝ քաղաքականությունից դուրս գալուց հետո տեղի ունեցող քաղաքական զարգացումներով, որոնց շարունակում է առնչվել: Սակայն Ծառուկյանը վրդովվեց հիշողությունը կորցնելու աստիճան ու զայրացած դուրս թափեց սրտում կուտակվածը, թե ինքը քաղաքական էջը փակել է ինձ նման մարդկանց երեսից։ «Գնացեք կարկառուն գործիչների հետ ձեր երկիրը զարգացրեք»,-հայտարարեց նա:
Մինչև իր այս սենսացիոն «բացահայտումը» ողջ ժողովուրդը գիտեր, թե իր քաղաքականության էջը խայտառակ ձևով փակեց անձամբ Սերժ Սարգսյանը՝ իրեն վտարելով քաղաքականությունից և զրկելով անգամ սեփական կուսակցությունը ղեկավարելու իրավունքից: Մեր երկրից իրեն այդչափ օտարված զգացող Գագիկ Ծառուկյանը դեռևս չորս ամիս առաջ հեղափոխական հարթակներից վստահեցնում էր, որ սա նաև իր երկիրն է, և իր հարստությունը կորցնելու գնով պատրաստ է անդունդի եզրին կանգնած այդ հայրենիքը փրկել, իր իսկ բնութագրած, չարիքի իշխանության ճիրաններից:
Ավելին՝ տեսանյութում։
