Նկարիչ Մարս Շնեյդերը կարողացել է սովորական պտուտակներից արվեստի գործեր ստեղծել: Նա քրտնաջան աշխատանքի և տաղանդի շնորհիվ կարողացել է հազարավոր գորշ պտուտակները վերածել դիմանկարների, որոնք հիշեցնում են սև-սպիտակ լուսանկարներ: Այս մասին հայտնում է odditycentral.com-ը:
Շնեյդերը սկսզբում վերցրել է լուսանկարը և այն մոխրագույն շաբլոնի վրա վերածել կետիկների: Որպես նմուշ օգտագործելով, նա ձեռքի պատրաստած պտուտակներով հազարավոր փայտե տախտակի վրա հավաքել է այդ լուսանկարները:
«Ինձ դուր է գալիս աշխատել այնպիսի միջավայրում, որը մարմնավորում է ուժ և ամրություն, ինչը թույլ է տալիս հանդիսատեսին շփվել արվեստի հետ, միաժամանակ զգալով նկարի եզակի մակերևույթը՝ ստեղծված հազարավոր պտուտակներով»,- գրել է նա իր էջում:
Շնեյդերը պատմեց, որ ինքը թողել է նկարչի աշխատանքը, որպեսզի ամբողջությամբ կենտրոնանա իր պտուտակային արվեստի վրա: Նա շատ է սիրում այդ գործը և չի ափսոսում իր թողած աշխատանքի համար:
Նրա աշխատանքներն այժմ հասանելի են Etsy-ում գնման համար, որոնք իրենց վարպետությամբ ու մանրամասնությամբ առայժմ անգերազանցելի են:
