Այսօր առավոտից ԵՊՀ կենտրոնական մասնաշենքում ուսանողները հավաքվել են՝ շարունակելու երեկվա դասադուլը:
Ֆիզիկայի ֆակուլտետից նրանք շարժվեցին դեպի Ֆիզիկական կուլտուրայի ինստիտուտ, որտեղ ուսանողներին կոչ արեցին միանալ իրենց, սակայն այդպես էլ բուհից ոչ ոք չմիացավ:
Դասադուլավորների երթը շարունակվեց դեպի Մանկավարժական համալսարան, որտեղ ընդհարումներ եղան ակտիվիստների և համալսարանի ՈւԽ-ի միջև:
Նշենք, որ այստեղ մի փոքր ագրեսիվ էին տրամադրված և ուսանողներից մի քանիսը պարզապես հորդորում էին դադարեցնել աղմուկն` ասելով. «Մենք դաս ենք անում, մի խանգարեք մեզ։ Գնացեք այստեղից»։
Շատերն էլ համալսարանի պատուհաններից հետևելով ակցիային` նույնն էին կրկնում։
Ակիցայի մասնակիցները ուսանողներին հորդորում էին. «Իջեք, բացեք դռները, միացեք մեզ։ Ազատ, անկախ ուսանող»։ Բուհի ուսանողները նրանց պատասխանում էին. «Հեռացեք»։
Ի պատասխան դասադուլավորները գոչեցին. «Ամոթ, ամոթ»։ Բուհի դռները փակվել էին, ոստիկանները կանգնել էին ակտիվիստների և ուսանողների միջև:
Այժմ դասադուլավորների երթը շարունակվում է դեպի Բժշկական համալսարան, որտեղից տեղեկություն է ստացվել, թե այսօր բուհի դռները փակ չեն լինի:
Նշենք, որ դասադուլը շարունակվում է ոստիկանների հոծ բազմության ուղեկցությամբ:
