Ժողովրդավար հումանիստական կենտրոնի (ԺՀԿ) պատգամավոր Մահինուր Օզդեմիրը իր կուսակցության անդամների ճնշմանը հակառակ մերժել է 1915 թվականի դեպքերը անվանել «ցեղասպանություն», ինչի պատճառով կուսակցության Էթիկայի հանձնաժողովը ուրբաթ օրը նրան հեռացրել է կուսակցությունից, ինչի հետևանքով բելգիական խորհրդարանում նա դարձնել է անկախ պատգամավոր: Այս մասին հաղորդում է Էմրե Բաշարանը dailysabah.com-ում:
Կուսակցության ղեկավար Բենուա Լութգենը այդ առիթով ասել է, որ Ցեղասապությունը մերժող ցանկացած անդամ անմիջապես կհեռացվի կուսակցությունից:
Մայինուր Օզդեմիրը հարցազրույցի ժամանակ ասել է, որ կուսակցության գլխավոր քարտուղար Էրիկ Փոնքին նրանից պահանջել է ստորագրել փաստաթուղթ, որը 1915 թվականին տեղի ունեցած հայերի ջարդերը համարում է «ցեղասպանություն», հակառակ դեպքում կհեռացվի կուսակցությունից, որին նա պատասխանել է, որ երբեք իր խոսքի ազատությունից չի հրաժարվի և իր տեսակետները չի փոխի:
Կուսակցությունից հեռանալու իր հայտարարության մեջ նա ասել է. «Ցավոք սրտի, ԺՀԿ-ն հումանիզիմին ու ժողովրդավարությանը դեմ է որոշում ընդունել, որը չի ենթադրում խոսքի ազատությունը որպես արժեք: Իմ հեռացումը սև բիծ դարձավ կուսակցության և Բելգիայի ժողովրդավարության պատմության վրա: Պարզ է, որ խոսքի ազատությունը վերաբերում է նաև 1915 թվականի դեպքերին: Դա ամոթալի որոշում է նրանց համար, ովքեր «պաշտպանում» են խոսքի ազատությունը՝ ասելով Je Suis Charlie (Ես Շառլին եմ)»:
