Լոնդոնի ամենաաղքատ մասն ավելի հարուստ է, քան Ուելսի և Հյուսիսային Իռլանդիայի ամենահարուստ շրջանները, գրում է The Independent-ը՝ հղում անելով ազգային վիճակագրության նոր տվյալներին: Այդ եզրահանգումն արվել է տնային տնտեսությունների եկամուտների հիման վրա:
Վիճակագրորեն Լոնդոնի ամենաաղքատ շրջաններն են Բարքինգը, Դագենհեմը և Հավերինգը, որտեղ բնակչության մեկ շնչին ընկնող մաքուր եկամտի միջին մակարդակը 16,8 հազար ֆունտ է: Դա 2,5 անգամ քիչ է, քան մայրաքաղաքի ավելի ապահովված շրջաններինը:
Ուելսի ամենահարուստ շրջանը համարվել է Փոուիսը, որտեղ եկամտի միջին մակարդակը կազմում է £16,7 հազար, իսկ Հյուսիսային Իռլանդիայինը՝ Արտաքին Բելֆաստը, £15,2 հազար ցուցանիշով:
Լոնդոնի առավել հարուստ տնային տնտեսությունները Վեստմինստերում են: Այնտեղ եկամուտի միջին մակարդակը կազմում է £43,6 հազար: Այն ավելի բարձր է, քան ցանկացած այլ շրջանում:
