Որսագողերի դեմ պայքարի և սմբակավորների թվի աճի շնորհիվ հաջողվել է հասնել Կարմիր գրքի երկու տեսակների՝ ամուրյան վագրի և հեռավորարևելյան ընձառյուծի պոպուլյացիայի դրական դինամիկայի: Այս մասին հայտնում է RIA Novosti-ն՝ հղում անելով Ռուսաստանի WWF-ի ամուրյան մասնաճյուղին:
Ռուսաստանի բնական ռեսուրսների նախարար Սերգեյ Դոնսկոյը չորեքշաբթի օրը հայտնել է վագրերի և ընձառյուծների հազվագյուտ տեսակների պոպուլյացիայի աճի մասին: Ներկայում արեալներում ապրում է մոտ 510 ամուրյան վագր, սակայն նրա տվյալներով՝ վայրի կատուների պոպուլյացիան կարելի է հասցնել մինչև 700-ի: Դոնսկոյի խոսքով՝ հեռավորարևելյան ընձառյուծի պոպուլյացիան կազմել է 60-70 տեսակ:
«Ամուրյան վագրի և հեռավորարևելյան ընձառյուծի թվի աճի կարևորագույն պայմանը կենդանիների պաշտպանությունն է, այդ թվում՝ որսագողերի դեմ պայքարը, որը վերջին տարիներին բավական հաջող է իրականացվում: Դրանում զգալի դեր է խաղացել Կարմիր գրքի կենդանիների որսի համար պատժի խստացումը: Նշանակալի գործոն են նաև սմբակավորների՝ հազվագյուտ գիշատչի կերային բազայի թվի ավելացմանն ուղղված գործողությունները…»,- ասվում է հաղորդագրության մեջ:
