People ամսագիրը, որը լուսաբանում է շոու բիզնեսի իրադարձությունները և էկրանային աստղերի կյանքը, 2011թ.-ի ամենագեղեցիկ կին է ճանաչել ամերիկացի դերասանուհի և երգչուհի Ջենիֆեր Լոպեսին:
Նախորդ տարիներին People-ի մրցանակի դափնեկիր են դարձել Հոլի Բերին, Ջենիֆեր Գարները և Բեյոնսեն: Անցյալ տարի այդ ցուցակը գլխավորել է 42-ամյա Ջուլիա Ռոբերտսը:
«Ես ինձ պահանջված եմ զգում: Երջանկություն և հպարտություն եմ զգում, հպարտանում եմ նրանով, որ ես 25 տարեկան չեմ», – ասել է Լոպեսը չորեքշաբթի օրը` ապրիլի 13-ին People ամսագրում տպագրված հարցազրույցի ժամանակ:
41-ամյա դերասանուհու խոսքերով, նրա արտաքին տվյալները անընդհատ սպորտով զբաղվելու և իրեն լուրջ հետևելու արդյունք է: Բայց ամենից շատ նա սիրում է տանը ժամանակ անց կացնել իր ամուսնու` Մարկ Էնթոնիի և երկու երեխաների` Մաքսի և Էմմիի հետ:
Վարկանիշային ցուցակում երկրորդ տեղը զբաղեցնում է ամերիկացի 23-ամյա դերասանուհի և երգչուհի Զաք Էֆրոնը` «High School Musical» հեռուստաֆիլմի աստղը և բրոդվեյան մյուզիքլի` «Hairspray»-ի գլխավոր դերակատարը:
Հոլիվուդի ամենաշատ վարձատրվող դերասանուհի 35-ամյա Ռիզ Ուիզերսպունը, որն արժանացել է նաև «Օսկարի», «Ոսկի գլոբուսի» և BAFTA-ի հայտնվել է երրորդ հորիզոնականում: Մարտի 26-ին հոլիվուդյան դերասանուհին ամուսնացել է 40-ամյա Ջիմ Թոշի հետ, որը զբաղվում է հոլիվուդյան ֆիլմերի համար դերասանների ընտրության գործով:
Հնգյակում են հայտնվել Ջեսիկա Սիմսոնը, որը MTV-ում վարում է «Ջեսիկա Սիմսոնի գեղեցիկ աշխարհը» հաղորդումը և երգչուհի Մենդի Մուրը:
People-ի կողմից հրապարակված TOP-15-ը
1. Ջենիֆեր Լոպես
2. Զաք Էֆրոն
3. Ռիզ Ուիզերսպուն
4. Ջեսիկա Սիմսոն
5. Մենդի Մուր
6. Քեթի Հոլմս
7. Ջենիֆեր Հադսոն
8. Քելան Լաթս
9. Դանա Դելանի
10. Էմմա Սթոուն
11. Մինդի Քալինգ և Էլլի Քեմպեր
12. Սանդրա Բալոք
13. Ջենիֆեր Լոուրենս
14. Եվա Լոնգորիա
15. Ռայան Ռեյնոլդս