Շվեյցարիայի ոստիկանությունը Ցյուրիխում ՖԻՖԱ-ի շտաբ-բնակարանում խուզարկության ժամանակ փաստաթղթեր և տեղեկության պահպանման էլեկտրոնային միջոցներ է բռնագրավել: Այս մասին հայտնում է Associated Press-ը՝ հղում անելով Շվեյցարիայի արդարադատության նախարարությանը և ոստիկանությանը:
Խուզարկությունն իրականացվել է 2018 և 2022 թթ. Աշխարհի առաջնությունների կազմակերպիչ երկրների ընտրությունների ժամանակ կոռուպցիայի մասին գործի հետաքննության շրջանակներում:
Reuters-ի հաղորդմամբ՝ Շվեյցարիայի արդարադատության նախարարությունը և ոստիկանությունը հարցաքննում են ՖԻԱՖ-ի գործադիր կոմիտեի 10 անդամների, որոնք 2010 թ. քվերակել են 2018 և 2022 թթ. Աշխարհի առաջնությունների կազմակերպիչ երկրների ընտրություններում:
Հաղորդվում է նաև, որ Շվեյցարիայի ոստիկանությունը քրեական գործ է հարուցել նշված ընտրությունների ժամանակփողերի լվացման հետ կապված մի խումբ անհայտ անձանց դեմ:
Ավելի վաղ հայտնի դարձավ, որ Շվեյցարիայում ՖԻՖԱ-ի մի քանի բարձրաստիճան պաշտոնյաներ են ձերբակալվել կոռուպցիայի կասկածանքով:
BBC-ի հաղորդմամբ՝ ձերբակալվածների թվում են՝ ՖԻՖԱ-ի գործադիր կոմիտեի երկու փոխնախագահ՝ Ջեֆֆրի Ուեբը և Էուխենիո Ֆիգերեդոն, նաև Էդուարդո Լին և Խոսե Մարիա Մարինը: Բացիդրանից՝ ԱՄՆ իշխանությունները կոռուպցիայի մեղադրանքներ են առաջադրել ՖԻՖԱ-ի գործադիր կոմիտեի նախկին անդամ Ջեք Ուորների, նաև Խուլիո Ռոչեի, Կոստաս Տակկասի, Ռաֆաել Էսկևելի և Նիկոլաս Լեոսի դեմ:
Մեղադրանքներ են առաջադրվել նաև ՖԻՖԱ-ի գործադիր կոմիտեի նախկին անդամ Խոսե Մարգուլիսի դեմ, որը մեղադրվում է անօրինական վճարումների միջնորդության համար: Սպասվում է, որմեղադրանքներ կառաջադրվեն ևս 4 հոգու՝ Ալեխանդոր Բուրզակոյին, Աարոն Դևիդսոնին, Ուգո Ջինկիսին և Մարիանո Ջինկիսին, որոնք կապված են ՖԻՖԱ-ի մարքեթինգային ծառայության հետ:
