Երեկ ինչպես տեղեկացրել էինք` ադրբեջանական APA գործակալությունը վկայակոչելով իր դիվանագիտական աղբյուրը երեկ տեղեկացրել է, որ ծրագրվում է ԵԱՀԿ-ի Մինսկի խմբի համանախագահների հանդիպումը ԱՄՆ-ի պետքարտուղար Հիլարի Քլինթոնի հետ:
Ըստ ադրբեջանական աղբյուրի` Վաշինգտոնում առաջիկա շաբաթների ընթացքում կայանալիք հանդիպման ժամանակ միջնորդները պետքարտուղարին տեղեկացնելու են Լեռնային Ղարաբաղի հակամարտության կարգավորման բանակցությունների ընթացքի մասին:
«Առաջին լրատվականը» դեռ երեկ փորձել էր Հայաստանում ԱՄՆ դեսպանատնից այս տեղեկության հավաստիությունը ճշտել: Այսօր ԱՄՆ դեսպանատնից մեզ հայտնեցին, որ «նման տեղեկատվություն չունեն», սակայն, ըստ էության, այս տեղեկությունը ո՛չ հաստատվում է, ո՛չ հերքվում: