Երկուշաբթի օրը Սիրիական ռազմաօդային ուժերն ամենաքիչը 15 օդային հարձակում են գործել Պալմիրա քաղաքի վրա, որն անցյալ շաբաթ գրավել էին ԴԱԻՇ-ի գրոհայինները, հայտնում է newsru.co.il-ը:
Զոհերի ճշգրիտ թիվը չի հաղորդվում, սակայն հայտնի է, որ իսլամիստները կրել են կորուստներ: Տվյալների համաձայն, օդային հարվածները կատարվել են մի քանի շրջաններում, այդ թվում հնագույն մինչիսլամական քաղաքակրթության հուշարձանների մոտակայքում, որոնք մտնում են UNESCO-ի համաշխարհային մշակութային ժառանգության մեջ:
Սիրիական պետական հեռուստատեսությունը հայտնում է, որ իսլամիստները Տադմոր քաղաքի շրջանում մահապատժի են ենթարկել 400 խաղաղ բնակիչների, որոնց մեծ մասը կանայք և երեխաներ են:
