Սմարթֆոններ արտադրող Kyocera ընկերությունը ներկայացրել է նոր մոդել` Torque G02-ը, ստորջրյա լուսանկարների սիրահարների համար: Ինչպես հայտարարել են մամլո ասուլիսում` G02-ն առաջին սմարթֆոնն է, որը կարելի է ծովում օգտագործել: Նորույթը համապատասխանում է ԱՄՆ ռազմական չափանիշներին 19 «կետով», իսկ տետսախցիկը պաշտպանված է ծովի աղի ջրից:
G02-ը նախատեսված է նաև սերֆինգով զբաղվողների, լեռնագնացների, վազորդների և ակտիվ զբոսաշրջիկների համար: Այն ունի 4.7 դյույմ անկյունագծով HD IGZO էկրան, որն արձագանքում է ձեռնոցներով և թաց ձեռքերով հպումներին։ Սմարթֆոնն ունի 2 ԳԲ օպերատիվ և 16 ԳԲ ներքին հիշողություն:
Չիփսեթի տեսակը չի հստակեցվում:
Ջրի տակ լուսանկարելու և տեսաձայնագրելու համար ծառայում է 13 մեգապիքսել հզորությամբ տեսախցիկը` հետին լուսարձակմամբ: Ջրի տակ սուզվելիս ավտոմատ կերպով հատուկ ռեժիմ է միանում, ինչը թույլ է տալիս վառ և գույներով հագեցած լուսանկարներ անել:
