Աժ փոխնախագահ Հերմինե Նաղդալյանը վարչապետի որդու` Արտաշատի քաղաքապետի ընտրություններում առաջադրվելը պայմանավորում է քաղաքական պրագմատիզմով: Նրա կարծիքով վարչապետի որդին օգտվում է իր իրավունքից, ինչպես մյուս քաղաքացիները և փորձում է ավելին անել իր քաղաքի համար:
«Ես կկիսեի ձեր անհանգստությունը, եթե ասեիք՝ պայքարը անհավասար է»,- ասաց Նաղդալյանը: Դիտարկմանը, թե այդ դեպքում ինչու են հրաժարվել պայքարից մյուս թեկնածուները, Նաղդալյանը պատասխանեց ճիշտ ՀՀԿ-ականի տրամաբանությամբ.
«Շատ հնարավոր է՝ այդ որոշումները լինեն նորմալ, առանց որևէ ազդեցության… Գիտեք, ճշմարտության ճնշումն էլ ճնշում է, և՛ իրականության, և՛ ուժերի հաշվարկի. յուրաքանչյուր մարդ, որը մտնում է ընտրության ասպարեզ, ուժերի հաշվարկ է կատարում և հասկանում իր կամ դիմացինի ռեալ հնարավորություններն ինչպիսին են»: