Ադրբեջանական կողմը պնդել է, որ Ռիգայի հռչակագրի ընդունման ժամանակ նշվի նաև ՄԱԿ-ի ԱԽ 4 բանաձևերի դերը, որոնք առնչություն ունեն Ղարաբաղյան հարցին։ Սակայն եվրոպացի գործընկերները նշել են, որ այդ դեպքում պետք է քննարկվեն նաև մյուս հակամարտությունները։ Այս մասին երկուշաբթի ասել է Ադրբեջանի արտգործնախարար Էլմար Մամեդյարովը Մոսկվայում Ռուսաստանի արտգործաարար Սերգեյ Լավրովի հետ համատեղ մամլո ասուլիսի ժամանակ՝ փոխանցում է «Ռոսիա 24»-ը։
«Այդ ժամանակ մենք եկանք փոխզիջումային տարբերակի, որ կտանք համապատասխան հայտարարություն, որը կկցվի ամփոփիչ հռչակագրի տեքստին։ Հայտարարությունում կնկարագրվի իրավիճակը՝ հաշվի առելով ՄԱԿ-ի 4 բանաձևերը»։
Ադրբեջանը կկառուցի իր հարաբերությունները ԵՄ-ի հետ երկկողմանի համաձանագրերի մակարդակով՝ ասել է Մամեդյարովը։ «Կուրսը, որն ընտրել է իր համար Ադրբեջանը, ԵՄ-ի հետ երկկողմ համագործակցության կուրսն է՝ ամրագրված բազմաթիվ պարամետրերով, ներառյալ էներգետիկ, տրանսպորտային և ներդրումային բաղադրիչներով»,- ասել է Ադրբեջանի արտգործնախարարը։
Համաձայնագրի այն տեքստը, որը ներկայացվել էր Ադրբեջանի կողմից Բրյուսելին, առաջին հերթին խաղում է իրավահավասար և փոխշահավետ պայմանագրի դեր, և այդ շրջանակում մենք կկառուցենք այդ համաձայնագրերը՝ նշել է նա։