Իսրայելի նախկին վարչապետ Էհուդ Օլմերտին դատապարտել են 8 ամսվա ազատազրկման՝ կոռուպցիայի մեղադրանքով։ Այս մասին գրում է The Jerusalem Post-ը:
Ինչպես նշվում է, Օլմերտը տուգանվել է նաև 150 հազար դոլարով:
Դատարանը փաստաբանների խնդրանքով համաձայնել է 45 օրով հետաձգել վճռի ուժի մեջ մտնելը, քանի դեռ քննարկվում է պաշտպանության բողոքարկումը:
Ավելի վաղ հայտնի էր դարձել, որ Իսրայելում դատարանը արդարացնող դատավճռի վերանայումից հետո Օլմերտին մեղավոր էր ճանաչել կոռուպցիայի մեջ:
Օլմերտը մեղադրվում է Holyland բնակելի համալիրի շինարարության ժամանակ կաշառքի ստացման մեջ: Նա կաշառքներ է ստացել նախագիծն առաջ տանելու ու փոփոխությունների համար:
Հանցագործությունը թվագրվում է 1993-ից մինչև 2000-ականների կեսերը, երբ նա զբաղեցնում էր Երուսաղեմի քաղաքապետի ու Իսրայելի առևտրի ու արդյունաբերության նախարարի պաշտոնը:
